حضرة جناب الجرح شرف من جديد
أقبل وعاد حزن اللــيــالــي الماضيه
حرك شجون الــقلـب والشيء الأكيد
يبي بداخــل روحـي حرب(ن) داميه
سألت جرحـي أمانه قولي وش تريد
قولي بربك سر مـــجــيــئــك مـاهيه
قالي تروى وهـــدّ نــفـــسك يـالعنيد
ما أشرح لك الــموقف ونارك حاميه
قلت السموحه بس قــولــي ولا تزيد
وأخصر كلامـــك فـي دقـيــقه وثانيه
قالي حبيبك حب ثــانــي وهـو سعيد
نساك وتناسى الــحــضــون الـدافيه
مافكر بحبك وبالــعــيــد الــمــجـيــد
عيد الدموع اللي على الخد ســاريه
مثل السيول اللي بكل جبل(ن) عتيد
تجرف محاصيل الــنــبـات الـراويه
قلت اسألك بالله ياجرحـــي لا تـعـيد
ذكرى نـزيف قــلبي بــذاك الطاغيه
ماعــــاد في بالي ولا هو لي رصيد
خلاص صرفته من حسابي وجاريه
اهو الذي لي باعني بشيء(ن) زهيد
اغروه عــذاله ولا هــــو بداريـــــه
ضحك علي يوم انه ساكن بالوريـــد
وحليت له دنياه وماهي حاليـــــــــه
وذوبت له فيض المشاعر من جليــد
واشعلت في دنياه شموع(ن) طافـيه
واصهرت له صلب المعادن والحديد
واتعبت له نفسي وروحي شاريـــــه
خلاص يا جرحـــي بـــسافـر لي بعيد
واقصد ســمـاء شـعري وأدور قافيه
بــهوجس افــكاري عـلى أكبر صعيد
وانـثر حـروف الشعر وهي لي قاري
موضوع: قصيدة الجرح 
الجمعة مايو 16, 2008 3:31 pm
