من قال صدفه خير من ألف ميعاد
انا اشهد انه ماكذب في كـــــلامـــه
كم لي سنه اتبع خطاويه نـــشّــــــاد
واقول وين اللي ذبحني غـــــــرامه
وياما انتظرته في دروبــــــه ولافاد
واصبح حصيلي هالــــتعب والندامه
الين ياسي داخل الـــصـــدر بي زاد
واعلن على قصر الـــمـحبه انهدامه
لكن ترى البارح لقى الحب مــــيلاد
والياس ولى معلنن با انـــــهــــــزامه
باسباب صدفه خـــلـــت الحــب وقاد
والقلب فز بكل شوقه وهــــيـــامــــه
صدفه التقينا دون تحديد مــــيــــعاد
وقف قبالي في شفاته ابـــــتــــســامه
خفت اتكلم يقلب المــــسألـــــــه عناد
ويقلب علي الابــــتـسامه مــــلامـــه
قلت اسكت احسن يمكن بيوم تنعـــاد
لقيا خفوقي مع ســــعــــادة مـــــرامه
وتحرك المحبوب مــعــــلــن بالابعاد
يمشي وكنه بــــدر ليلة تـــــمـــــامه
وجلست انا ادعي يحرسك رب العباد
اللي عــطاك كل الحـــــــلا والوسامه
يحرسك لاتصيبك حدى عـيون حساد
وادعي تعيش بدنيتك في ســــــــلامه
واليوم افكر صارت البارح اعـــــياد
باسباب من خلي لـــمــــحنا ابتسامه
وشلون لو خلي يجيني وهــــــو جاد
ويطلب غرامي واتهنى بغرامـــــــه
عجزت اجاوب لكن العلم الوكــــــاد
هو بيت با اول هالقصيده وخـــــتامه
من قال صدفه خبر من الف ميعـــاد
انا اشهد انه ماكذب في كــــلامـــــه
موضوع: من قال صدفه خير من ألف ميعاد 
الأربعاء مايو 21, 2008 11:20 pm