مرتاح بالك منبسط دوم فرحــــــــان
لاهي بحياتك وكل شئٍ بــــــــها زيـن
هذا هو الواقع ولانيب غــــــــلـــطان
ولايختلف في هرجتي تدري اثنـــــين
وناسي من اسبابك غدى عايش انــسان
عيشة حزن عايش بها تسعة ســـــــنين
عاش بحياته بسبتك عاش مــناهـــــــان
ذاق الـــقــــــهر ذاق المذله مع البيــين
عايش بخوفه منــــــــحرم طعم الامان
ومن شاف حاله قال لحوول مــــســكين
ذكرتني ولا الى الحين نـــــســـــــــيـان
ذكرت خلك ولا باقي الى الحـــــــــين
احــــرقت قلـــــــــبي ياحبيبي بنــيران
وهذا ترى ماهو بشـــــــرع المحــبين
ادري حبيبي بكل شئٍ مضى وكــــان
واقولها والــــخلق والله داريــــــــــن
مااخطيت انت ومخطي من قال خوان
ولاهو خطى عاذل ولا ناس واشــــين
هذا خطاي واعترف صرت ندمـــــان
ايه اعترف ياناس مـــــــــــره وثنتين
اجل اشوف شخصٍ بعيني وهو خــان
واسلمه قلبي واقــــــــــوله فدى العين
اجل اشوفه بقلب عاشق وقـــــــد هان
واستغرب اني القاه في قلبي يهيــــين
والمشكله غدره بوجه ترى يــــــــبان
لكن مشــــيت ويــــــــااه ماهمني وين
واثره ممـــــشيني على درب الاحزان
واليوم حزني صار له تسعة سنــــــين
لكن مصيره دايره فـــــــــــيه الازمان
ويـــقول راجع انــــــتو للحين شارين
بيومها لو يعزف انواع الالحـــــــــان
ما عاد له خانه بشرع المـــحــــبــيــن
موضوع: مرتاح بالك منبسط دوم فرحــــــــان 
الأربعاء مايو 21, 2008 11:19 pm