وقفت قــــــــــدامه شفـــــــــوقٍ وولهان
أرجي مـــــــــن الله ثم منـــــه الحنيني
أشوف بعيونه مــــــتــاهات وامــــــان
واشوف فيها نور يضـــــــــوي سنيني
في عينه اليمنى شـــــــــــعاعات والوان
تسطع علــــــى خدي وصدري وجبيني
واشـــــــوف باليسرى على مر الازمان
حكاية العشـــــــــــــــاق عبر السنيني
واشوف بخـــدوده كما نبت رمــــــــان
واشوف وردٍ نابــــــــــت بالجــــــبيني
واشوف بالشفه عقودٍ وريـــــــحــــــان
واشم منها شبه عـــــــــطـــــــرٍ ثميني
بس ليتني ماشفت دمـــــــعه بالاعيان
في وقتها رجيت مــــــــــوتي يجيني
جاني يقول شلون ترضالي انـــــهــان
قلي وعلمــــــــــــني اذا ماتبـــــــيني
قلي ســـــــعـــــــد قلي اذا منت خوان
وشلون ســــــري للخــــلايق يبـــــيني
قلت امسح دموعك ترى منت مـنـــهان
ماجابته ام اللي لـــــحبيبي يهــــــيني
وسرك ترى مفضوح من عند انــــسان
والله غيري خــــذ عـــلــــمن يقـــــيني
ومن بعد حلفي ضمني وسط الاحضان
وعطاني البوسه بخـــدي الـــيمـــيني
موضوع: وقفت قــــــــــدامه شفـــــــــوقٍ وولهان 
الأربعاء مايو 21, 2008 11:18 pm