ياعين ذاك اللي وقــف ذاك شوفيه
اللي ايدين امه مسكــــــــها بادينه
اللي التفت ياعين شوفي تــعرفيه
هذاك خلك باقـــــيه تذكــــــرينه
هذاك اغلى شخــص انتي تحبيه
وياما رفضتي احباب لانك تبينه
ياعين دمعك طالـــــــبك لاتهليه
صعبه هنا اخاف تلمـــحك عينه
ياعين ذكرتييوم اسهــــر اداويه
يومه كسير ومالقى من يـــعينه
ولحدٍ ترى غيري بحزنه يواسيه
ولحدٍ ترى غيرك سأل عنه وينه
ياعين لاتروحي ياخوفي تفشليه
قدام امه يشوفها هو شيـــــــــنه
يخاف لاتسأل منو ذا ووشفيـــه
وفــــــلانه قولي وش بينك وبينه
هو مايبي هالناس تعرف بماضيه
وموده يــــعــــرفكي ولا تعرفينه
يحس اني اهــــــــدم اللي يسويه
وانه يتفشل لا اعرفوا اني ضنينه
واني ما اناسب مستوى عايشٍ فيه
وقدام هالعالم محبــــــــتي تـــهينه
ياعين خلك والله همه مـــــــكفيه
خليه لاتزودي همومه وتجــــينه
ياعيــــــن ودنا نروح لمه نحاكيه
لكن عليــــــنا عارفه النفس شينه
خليه يضحــــك لاتروح ولا تجيه
يكفي وهو يضـــحك ياعيني ترينه
صحيح ضحكتـــــــنا قتلها وبيديه
وماتت سعادتنا وصـــــارت دفينه
ودايم يقابلني بقســــاوته وتــــغليه
وغيري يقابله بـــكل لطفٍ ولينــه
لكن اكيد معــــذور باللي يسويــــه
الله يســـــــــاعده وياخذ الله بدينه
يالله ياعيني نرجع لـــــساحل التيه
واخذ معي جرحي ونفسي الحزينه
لان الضياع ويا القهر يحــترو فيه
يالله مشينا تحترينا السفــــــــــينه
موضوع: ياعين ذاك اللي وقــف ذاك شوفيه 
الأربعاء مايو 21, 2008 11:17 pm