للرياض .. لهذا الوطن .............

عبـس وجـه الريـاض بليلـة ضلمـا تشـح بنـور
وعلى كثر الحزن كان الصمود الند للتفجير
يضنون الرياض ارض كساها من الزمان البور
وضنوا فـي عقائدنـا مجـال لمنهـج التكفيـر
وضنـوا فـي تلاحمنـا هـبـاء طـايـش منـثـووور
وكادو ميـر كيـد الله علـى كـل البغـاة كبيـر
طغـو وستاثـرو حـد البشاعـة والكـدر والـجـور
وحـنـا ماشكيـنـا يـادعـاة الــذل والتـغـريـر
وحنـا يالريـاض رجـال مايحجـب سماهـم سـور
ولايمكن نحاور قنبلة حاقـد وطيـش صغيـر
وحنـا للوطـن مثـل الجسـد حـب وغـلا وشعـور
إذا صاب الشمال الضيم همّ وعانق الخريـر
نـبـادر للـسـلام بـكـف قــدرة وانتـمـا وســرور
ونبذل للضعيف إليا تباهـا واستشـاط الغيـر
نحبـك يالريـاض بقلـب صافـي ماغشـاه الـزور
ولا يمكن نسـاوم فيـك ياكـود الجبـال تطيـر
بــلاد خـصـك الله فــي أمـيــر قـائــد مـشـهـور
نبادلـك الغـلا فـي كـل خطـوة نتبعـك ياميـر
لــذا يالعاصـمـة يالقاسـمـة يــام الـغـلا والــدور
مدام انه على الرحمن تدبيرك تـراك بخيـر